"ഇതാ കിരീടംനാം കീഴടങ്ങിയിരിക്കുന്നു
യശ പ്രാര്‍ഥിയല്ലാത്ത ഒരുവന്
ഇതല്ലാതെ മറ്റൊന്നിനുമാവില്ല
ഒരു തിരി കത്തി വെച്ച് പോകുന്നു
വെടി മരുന്നുപുരയുടെ താക്കോല്‍
ഞാന്‍ സൂക്ഷിക്കും
ഒരശ്വം പോലും ഇല്ലാത്ത
യാത്ര
നിന്റെ സൂര്യ രഥം
ഞാന്‍ വരും വരെ തകരരുത്
പതനങ്ങളെനിക്ക് കാണണം .
നിന്റെ രാജ്ഞി
ഗണികയാകുമെന്നും
കിരീടം ഭിക്ഷാപാത്രമാകുമെന്നു
പ്രവാചകന്‍
വിഷം പുരട്ടിയ വാളു കൊണ്ട്
നീ നടത്തിയ പോരാട്ടം
ഞാനറിഞ്ഞു
ഞാന്‍ തീയില്‍ നിന്നൊരു തിരി
വെടിമരുന്നുപുരയിലേക്കെറിയും
നീ
യുദ്ധഭൂമിയില്‍
പോരാളികളുടെ ചാരത്തില്‍
ചെന്തെങ്ങുകള്‍ നടുക
എന്റെ മുതുകിലാണ് മുറിവ്
ഞാന്‍ പരിച തെറിച്ചു പോയ
പരാജിതന്‍
എനിക്കുമുണ്ടൊരു
ചരിത്രം...!!!"
-- 'മുതുകിലാണ് മുറിവ്' : കടമ്മനിട്ട --
No comments:
Post a Comment